•    Chu qui faut pour 20 dozaines d'Oflettes :
7 Œués
2 paquets d'cassonate (ou du chuque in poudr')
1 lif' ed' burre
1,5 litres ed lait d' vaque
1,2 kg ed farine blanque
1 pincée d' sel
•    Dins eun' casserole :
Faire cauffer l' lait d' vaque. Y mettre à fondre el' burre et l' cassonate et l' pincée d' sel. Bin touiller pour bin mélinger. T'nir el mélinge chucré au caut.
•    Dins in grand saladier :
Mettre 4 œués intier et 3 jaunes d'œués. Touiller. Y ajouter eun' louche ed' mélinge chucré et autant d' farine in touillant. Continuer à ajouter l' mélinge chucré et l' farine jusqu'à temps qui n' da pus. Et surtout, bin touiller pou n' pas fair' ed' maclottes. (Y faut toudis touiller pou avoir ed' bonnes z' oflettes.)
•    Insuite :
Mettre el' pâte à s'arposer eun' nuit au frais. Attintion aux gueulards qui touquent leurs dogts dins l' pâte pou l' goûter !
•    L' jour d'après :
Faire cauffer l' moule à z' Oflettes. Ch'étot un moule avec des tiot p'tits tros. L' graisser avec un tiot peu d' burre et prind' el' pâte avec un touillot à café.
A l' sortie du moule à z' Oflettes, mettre à arfroidir sur eun' serviette ou eun' grille.

•    L' conseil ed' Cafougnette :
Mi, j' trouve que ché meilleu avec tout cassonate et i n' da qui mettent du rhum dins l' mélinge chucré.